[Eliseus a pueris in Bethel illuditur clamantibus: "Ascende calve"...]

Ascendit autem inde Bethel cumque ascenderet per viam pueri parvi
egressi sunt de civitate et inludebant ei dicentes ascende calve
ascende calve.

Qui cum se respexisset vidit eos et maledixit eis in nomine Domini
egressique sunt duo ursi de saltu et laceraverunt ex eis quadraginta
duos pueros.  Abiit autem inde in montem Carmeli et inde reversus est
Samariam.