Ne' néwa' ëtwathyúwi' nëkayeôk ëkat'asyôni'.  Ne' ëtwötyéët
ëhsyëtihsák ne' kanyö yeötakwææsös ki'shë'.  Atúkë' ehsyææ'ta'k
ëhsetsíwët tuskë awôtyô katúkê niyu'hasték ëhsetsíwët nikaötés.
Kanyu' ëthsateyëös ëhsyëtakwaás wíyú nâ shô ëtwötkææ' tëwötekhahsi'
khu.  Ta unë ne' úwë'kææ' ëhsatesyönyánô' kakanya'shæ' ëhsyææ'ta'k
ëhsawíyus tetsaökwá nö'wôti úwë'kææ'.  Ta unë tëhswë'kæænethahsi'.
Ëhsestya'k ne kë'tôwë' ne ka'ashæ'.  Tekní skaé' níyô
sha'tewatakwëhtëôk tyuhtô níyô sha'tewatakëhtö's.  Ëhsestya'k
niwatakwëhtasyöök'aa ëwöthwatase'töôk ne kë'tôwë'.  Ëhsathwatáse' ne'
ësyææ'ta'k niwatakwëhta's'aa niyúwe' si nö'téyô sehesöôk.  Kanyu'
ëhsates'á' nö'téyô sehés ëhsnö'skeutút níyô néwa' ti ëthsuwæku'hae',
ta unë tëthsekwathu'.  Ta unë tëhsata'ënöë' usthô ëkatësöôk tsyukæækás
ökye astékwá khu.  Ta unë ëhsathwatáse' kakwékö ëkayénô'
niwatakwëhta'aa.  Tsyukæækás kasyönya'tö' ne atáshæ.